樂在聖誕假之三

12月26日Boxing Day,
第一次認真出Field Trip,
地點: 樓下對面濕地公園 (個門口)----唔駛入場券
是日研究了多種植物生態



還有遊人百態
見到大人怕怕的行行, 對一眾如她般的小人 (兒) 卻十二分熱情主動,
旅途中認識了不少朋友~~例如照片中的紅衣孖辮姐姐, 雖是一面之緣, 但卻一拍即合, 一見如故, 一言難盡.....不過唔知行行响度講乜野呢????

樂在聖誕假之二

12月25日聖誕日

第一次吃啤梨, yummy yummy~~

樂在聖誕假

12月24日平安夜

第一次聽報佳音, 好興奮~~~

行行大忙人 之 (二)

今天是領證日, 行行一口氣申領了回港證, 回鄉咭, 永久居民身份證, 還有特區護照. 早上親自操機為行行拍證件相, 結果弄得大家都滿頭大汗 (另加一頭煙). 這其中絕不合格的兩張, 可見行行實在掙扎得淒涼....
拍了一張又一張, 終於有三款勉強滿意的. 不過交表時, 還是遭madam reject, 說因為有些少陰影, 不合規格. (不知行行心裏對拍證件相是不是也有 "些少陰影" ?)
只好死死氣光顧入境處外面60元6張的即拍店. 錢, 有時還是得讓人家去賺.

行行大忙人 之 (一)

這兩天行行好忙.

昨天跟爸爸媽媽去中環, 是行行懂事後第一次出城. 見到五光十色的中環, 鄉下妹頓時興奮得手舞足蹈.

愛, 就係唔方便...

天寒地凍, 一大早起床熬粥仔, 確係唔方便...
快要遲到了, 趕快出門吧! 吓? poo了? 調頭返入屋換片片先---確係唔方便
崇拜詩歌感人, 講道精彩, 咦, 甚麼味道? 噢! 又要換片片呢! 確係唔方便...
祈禱了祈禱了, 人人都肅敬靜默, "哇! 哇!" 來來來! 媽媽搖搖, 別哭別哭...甚麼? 祈禱完了? 祈了甚麼? ---確係唔方便...

埋頭苦幹趕deadline, 妳怎麼還沒有睡意?只好把手頭上的工作全部擱下, 確係唔方便...

不過呢, 愛: 就係唔方便!!

作別奶奶枕

行行戒了媽媽奶雖然已有個多月, 而奶奶枕束諸高閣更已四個多五個月, 但再見到親切的奶奶枕, 行行依然十分興奮.

這次再把奶奶枕拿出來, 是要送給友人明年初出世的BB.

其實行行是不是還認得奶奶枕, 媽媽都不大清楚. 但媽媽再見此物, 卻肯定是百般滋味在心頭.

行行, 妳是不是跟媽媽一樣, 對奶奶枕依依不捨?

行行吻別奶奶枕

從此多了1/3個墟!

這星期行行忽然說起話來, 唱起歌來.
之前有時她也會 "吔吔吔" "吖吖吖" "bu-a, bu-a", 但都是單字不成句.這星期初, 行行忽然像摁了開關掣似的, 說起話來, 唱起歌來.

對著爸爸, 她會用抑揚頓挫的語調附以豐富的面部表情, 說: "rai-rai-rai, u-a rai-rai. ra-ra, bu-a-bu...."
望著正在做家務的媽媽, 她會一臉認真地說: "ra, ra-ra-ra, rai-rai, a-a....."
自己坐著玩時, 她會用不同節奏, 對著小獅子,小蜜蜂和蝴蝶熊等一眾好友唱出: "eeeee~rai~~~~~rai~rai~~aaaaa-aa~buh~~~~rai-rai....."

吾家有女初講話, 屋企從此又多1/3個墟!

(一般都說bb發音通常都由唇音m /b 等開始, 所以偶然聽到bb喺度mamama或bababa時, 就可以tum自己話佢識叫媽媽爸爸.不過到依家都未聽行行發過m音 (即係未有耐會講mama), b音就常常有, 之但係佢雖然成日大叫 "吖吖吖", 卻又從未在 "吖" 前面加過b音喎 (咁都好, 唔驚佢講左baba先). 佢好多時講ge就係: "e-bu, e-bu, e-bu..." "a-ra, a-ra, a-ra". 為左安慰自己, 我同她爸講: 佢識叫我地啦, 不過係講印尼話啫, 嗱, 佢咪叫緊: Ibu, Ibu, Ibu; 同埋 Aya, Aya, Aya囉!)

行行閒時做乜?

行行閒時在家中做乜?

打功夫......

幫手做家務, 例如晾衫......

行行超巿行

原來超巿是一處十分益智的教學勝地.

今天推著坐私家車的行行逛頌富的惠康, 喜見這超巿鮮貨齊備, 陳設有緻, 生果, 就有 (行行在家未見過的)提子,西瓜, 車厘茄, 沙田柚, 香梨.....; 瓜菜, 就有翠玉瓜, 芫茜, 冬瓜, 蜜豆, 粟米, 迷你甘荀.....; 鮮花, 就有石竹, 玫瑰, 毋忘我, 紫星, 康乃馨, 菊花, 火百合........都包裝得整整齊齊, 乾乾淨淨.

買FLASH CARD都未必有這麼多本地品種的VARIETIES, 何況是實物教材呢! 行行媽當然把握機會, 逐件實物教材拿起向行行實地施教.

"行行, 看, 芫茜....." "吔吔吔!"
"行行, 看, 翠玉瓜....." "吔吔吔!"
"行行, 看, 香梨....." "吔吔吔!"
"行行,看, FORGET-ME-NOT...." "吔吔吔!"
"行行, 看,石竹......" "吔吔吔!"

哈哈, 好開心, 行行今日真係增廣見聞, 媽媽告訴她的每個詞語都學懂了. (我點知? 佢話 yeah~yeah~yeah喎!)

不過也許遠遠站著的經理心中正在嘀咕: 師奶, d野比你咁拎來拎去, 究竟你係咪買架????!!!!

起床兩件事

每日起床你首先要做的是甚麼?

行行起床兩件事包括:

(1) 看書 (軟答答只有三幾頁的毛毛書);

(2) 刷牙 (下牙床上的兩個小白點).

這兩件, 你今日做左未?

未做? 小心開口嚇親人啊....呵呵呵...

傳播界

行行小時去探外婆, 外婆說她是 "傳播界"的材料-----因為當時行行一副八八卦卦的模樣.

半年多後的行行, 不時都會顯露她 "傳播界" 的潛質: 專好揭秘是也!

2 Mile Walk

看到行行媽令人不忍卒睹的產後身裁 (如果這還可以叫做 “身裁” 的話!), 細表姐極力推薦Leslie Sansone的 2 Mile Walk: 大舅母, 這個容易做呀, 有效呀….於是當然快快帶回家中天天努力walk, walk, walk.
Sansone一路教, 一路會幫電視機旁邊行到上氣唔接下氣的我打打氣: 加油呀, 好快就行到半里啦, 嗱, 唔信你睇吓下面個metre. 唔掂呀? 唔緊要, 你可以行住一里先啦, 頂得順就行埋果extra mile啦……
咁呢, 又似乎係幾易做, 連行行媽都可以由最初幾乎0.25里都行唔完, 到而家日日行1.75里 (因為這是行行目前的極限了: 喂! 媽媽妳行完未? 好快D嚟抱抱囉喎~~~~哇! 哇!); 而且呢, 亦似乎係幾見效, 上磅少咗3磅.
今日行行踏入九個月, 落地蓆好有興緻咁跟媽媽一齊2 Mile Walk (其實佢係得個睇字, 同埋睇到精彩處手指指).
行行, 為左妳, 媽媽何止可以行埋果extra mile? 就算要行埋extra kilo-mileSSSSSSS, 都心甘命抵------只望有心有力吧!

佢地做乜呢?

噢,good job!請你地食我心愛ge奶咀咀...

追, 追, 追

行行:

近幾個星期, 妳每天都醒得很快動得很快滾得很快爬得很快站得很快跌得很快, 快得媽媽要趕上妳也有點吃力.

但媽媽會努力追追追的, 因為媽媽想追在妳旁邊陪妳走每一步.

媽媽

開張大吉

行行媽手記開張大吉.

行行呢, 當然正在酣睡中.....