誰聽誰的

行行近來主意越來越多.

"媽咪, 我想咁樣咁樣....."
"媽咪, 我唔中意咁樣咁樣....."
"媽咪, 不如你咁樣咁樣啦....."

這幾天還開始煞有介事的加上一句: "我已經諗好左架啦."

通常那些無關宏旨的事情, 都盡量讓她作主, 好留下一些quota給我自己.

昨晚, 請行行睡前刷牙, 她又作起主張來: "媽咪, 今晚唔駛刷啦, 瞓醒先刷."
見我看著她不語, 惟恐媽媽say no,又加上一句: "我已經諗好左架啦媽咪."

媽媽繼續定睛看著行行, 搖搖頭, 誰知行行立刻補充: "嗱, 我有時都聽你話啦!" (即係話: 有時都要輪到你聽我話喎, 阿媽!)

行行媽立時向行行澆以大義: "好多事情媽媽都可以同你有商有量, 大家斟酌斟酌. 但有些好基本好重要的事情, 媽媽知道點樣對你最好, 就唔會同你商量, 一定要你聽媽媽話."

大小姐的怒氣立刻衝上雙眼冒出頭頂. 行行媽以為暴風雨就這樣殺到.

"哼!!!" 大小姐拳頭向空中揮動了兩下表達她的不滿, 就經過我身邊朝浴室走去. 行行媽摸摸行行的頭, 拉高嗓門說: "多--謝--合--作--!!"

(萬幸萬幸!省卻一場拉鋸戰)

El Ninyo -- 聖嬰降生在馬槽

聖誕小天使--自助版

材料: 日本城10元浴簾內附膠扣

兩隻眼睛

送行行上主日學前, 提醒她:

"老師講故事時, 要坐定定專心聽;" (哦, 知道!)
"老師問問題時, 要踴躍舉手回答." (... ...) "你會踴躍舉手回答嗎?" (不會.)
"為甚麼呢?"
"因為有好多人舉手架. 老師只有兩隻眼睛, 佢睇唔到我架!"

天父的寶貝

行行學校將要舉行聖誕崇拜, 邀家長出席. 為讓各班家長均有機會參予孩子有份獻詩的崇拜, 當日由早上到下午放學時間, 一個小時接一個小時的, 共有連續多堂崇拜, 每堂都有相應班別的孩子在台上獻詩.

"媽媽, 我們聖誕崇拜要上台唱馬槽歌. 老師話, 唱得好的站前面, 唱得不好的站後面."

"行行你站哪兒呢? 媽媽在台下恐怕找不到你啊..."

"我不站前面, 也不站後面."

"行行你估天父愛聽前面的小朋友唱詩歌, 還是愛聽後面的小朋友唱詩歌呢?"

"前面後面都愛聽."

"點解呢?"

"因為我地全部都係天父ge寶貝吖嘛!"

天父陪住我

晚飯後行行話想食蘋果, 行行媽才突然記起:

"哎吔!你咳, 媽媽唔記得通知老師你唔可以食橙!"

"我無食呀, 媽咪. 老師派橙, 我舉手同老師講: 我咳, 唔可以食橙."

"行行好識照顧自己啊! 媽媽忘記提醒你, 但你都沒有忘記呢!"

"係呀!果啲同學媽媽陪住佢返學, 但我就無人陪住我返學 [喂! 你有爸爸陪你返學喎...], 所以我自己照顧自己. 但係呢媽咪, 仲有天父陪住我故喎!"