素來回家盡量不開電視, 因為跟行行相處的時間已經夠少了.
這晚回家一邊吃飯, 一邊只想讓腦筋發一會呆 (記得曾見有研究指坐著看電視時的腦波跟睡覺時是一樣的. 醒著還可以睡覺, 多好), 便隨手開著電視 (嘩! "宮心計"!). 正在一旁玩的行行即時走過來抗議.
行行: "食飯唔好睇電視喎!"
媽媽: (扮傻) "吓?"
行行: "你食緊飯唔好睇電視喎!"
媽媽: (繼續扮傻) "但我想睇一陣間, 一陣間啫..."
行行: "少少都唔得."
媽媽: (扮冥頑不靈) "如果我要睇呢?"
行行: "如果你唔知道 (唔聽話), 我就會唔開心. 我會鬧你架嘞."
媽媽: (扮驚) "吓? 點鬧呀?"
行行: (嬲樣, 站起來兩手叉腰) "你呀! 你唔得!"
媽媽: (暗忖: 吓? 乜我平日係咁樣對妳架咩??? 還是另有其人?) "邊個咁樣鬧妳呀?"
行行: 無人鬧我喎, 因為我好乖!
至此, 行行媽唯有急忙關機 : "係, 行行, 我知道嘞! 我食飯唔睇電視嘞!" (bye-bye 米雪, bye-bye楊怡...)
