閑談 (二)

下班回家, 跟三歲七個月的妳談今天的工作.

我: “今天我們Team只有我同老闆兩個人返工做嘢咋.”
妳: “點解ge?”
我: “因為S今日放假.”
妳: “點解得兩個人ge?”
我: “因為S放假囉!”
妳: “Lingling呢?”
我: “吓?”
妳: “Lingling呢?”
我: “乜嘢Lingling?”
妳: “Lingling响邊度呀?”
我: “????”
妳: (開始發火不耐煩) “你同事Lingling呀!”
我: “我地無同事叫Lingling架!”
妳: (發火了) “有呀!有呀! Lingling呢? Lingling呢? Lingling呢?”
(唉呀! 我Team少少幾個同事的名字妳都知道的, 哪有甚麼Lingling呢! 計埋一個接一個走了的同事, 都沒有啊………)
…….呀! 咪住! 半個月前曾來了一位新同事, 上班五天, 就走了. 因為時間實在太短, 那時剛巧又忙得昏頭轉向, 都沒特別跟妳提起, 只有一次告訴妳, 來了一位同事接替走了的M, 叫Elaine. 記得妳還吃吃笑著說: “呢個名唔好聽.”

“係咪Elaine呀?” 媽媽想起來了.
“係呀係呀! Elaine呢?” 媽媽終於對上嘴形, 妳才收了火.
“佢走左好耐啦! 佢唔中意留低.”
“啊.”

又一次證明, 言者無心, 聽者有意.

閑談 (一)

下班回家, 跟三歲七個月的妳談辦公室八卦經.

我: “S今日好唔開心, 喊呀.” S是我那位超能幹的同事.
妳: “佢點解唔開心呢?” 幾個月來一直缺了一位同事, 近兩個月又適逢所有最忙的工作都堆在一起, 大家超時工作了個多月, 總算把工作順利完成, 但刻薄成性的老闆竟還有餘暇挑剔為她盡心盡力的S.
我: “老闆好曳, 激到S喊.”
妳: “咁老闆有無激到你喊呀?”
我: “無, 佢無激我, 但佢激到S喊真係太曳啦.”
妳: “咁你聽日返工會唔會鬧佢?”
我: “唔會. 但我會祈禱求天父好好管教佢.”
妳: “仲有要叫佢唔好成日要人咁遲放工, 因為人地要返屋企湊小朋友.”
我: “係.”
妳: “你聽日見到老闆, 比個大交叉佢!” 妳舉起兩只前臂交叉著 — 這是幼兒園裏遣責人的Body Language.
我: “好! 一於要比個大交叉老闆. 個剔就比行行啦!”

妳笑得小眼睛都彎了.