看電視

素來回家盡量不開電視, 因為跟行行相處的時間已經夠少了.
這晚回家一邊吃飯, 一邊只想讓腦筋發一會呆 (記得曾見有研究指坐著看電視時的腦波跟睡覺時是一樣的. 醒著還可以睡覺, 多好), 便隨手開著電視 (嘩! "宮心計"!). 正在一旁玩的行行即時走過來抗議.

行行: "食飯唔好睇電視喎!"
媽媽: (扮傻) "吓?"
行行: "你食緊飯唔好睇電視喎!"
媽媽: (繼續扮傻) "但我想睇一陣間, 一陣間啫..."
行行: "少少都唔得."
媽媽: (扮冥頑不靈) "如果我要睇呢?"
行行: "如果你唔知道 (唔聽話), 我就會唔開心. 我會鬧你架嘞."
媽媽: (扮驚) "吓? 點鬧呀?"
行行: (嬲樣, 站起來兩手叉腰) "你呀! 你唔得!"
媽媽: (暗忖: 吓? 乜我平日係咁樣對妳架咩??? 還是另有其人?) "邊個咁樣鬧妳呀?"
行行: 無人鬧我喎, 因為我好乖!

至此, 行行媽唯有急忙關機 : "係, 行行, 我知道嘞! 我食飯唔睇電視嘞!" (bye-bye 米雪, bye-bye楊怡...)

親子大旅行

有幸, 可以請假, 參加行行學校的親子大旅行.

早上九時多到下午四時的行程, 猶幸行行中途在旅游車上睡了大半句鐘, 整天, 包括下午在塱原濕地的生態遊, 行行都是自己走的, 不用媽媽抱. (見到很多K1, K2的小朋友要爸媽抱, 甚至有些在爸媽懷中睡著了, 行行媽就有點擔心--這樣我絕對會體力不支的啊!)

回來, 晚飯時行行爭著要大聲領禱: "感謝天父, 賜我食物, 我今日返學校 (註: 集合時) 好開心! 我今日去旅行好開心! 去看動物園 (註: 也許行行以為郊外就是動物園??)好開心! 奉主耶穌基督名字, 阿們!"

(註: 斜體字是 "標準禱文" 以外行行自行加上的----幾時開始, 小人仔已經懂得在禱告中說自己的心裏話了呢??)

戒片進程 之 (三)

十月中起行行在學校已經不穿學習褲, 午睡的個多小時不要學習褲也OK.
打電話跟老師了解情況後, 連走路上學時穿的那一條學習褲也抽起了 . 再來這兩天, 行行有時夜半醒過來, 嚷著要去洗手間VV (雖然已經包了片). 看來, 距離戒片完全成功的日子, 應不遠矣.