行行愛做戲.
今晚無意中跟行行玩起做表情遊戲.
事緣行行唔知講起乜野, 提到話唔知乜野好開心.
行行媽: 開心係點架?
行行: 會笑 (露出四萬笑容)
行行媽沒想過行行咁搞笑.
行行媽: 咁興奮係點架?
行行: 嘩!嘩! 哈哈哈! (舉手亂fing)
行行媽: 唔開心呢?
行行: ....... (皺眉扁嘴)
行行媽: 傷心呢?
行行: 會喊架 (扮喊)
估唔到佢咁爛玩喎. 欲罷不能.
行行媽: 好嬲呢?
行行: 會鬧人架 (兩手义腰, 嗡著嘴臉, 懶惡地) "喂! 你叫乜野名?"
行行媽: 咁好慘呢?
行行: (一副可憐相) 即係Y姐姐唔理我囉.
行行媽: 好驚呢?
行行: ...... (兩手緊握小拳頭, 咬牙切齒, 全身打震)
行行媽: 怕醜呢?
行行: .......(別過臉, 一頭埋在被子裏)
兩歲多人仔已經咁expressive, 唉! 天性內歛的行行媽, 為左日後可以跟呢個女溝通無間, 真係要開始擴展擴展再擴展自己了.
