性教育

不知何許人, 已向行行灌輸了一套與事實不符的性觀念:

與朋友一家吃日本菜, 行行要吃朋友中三女兒正在吃的三文魚壽司.

(媽:) "行行吃鰻魚壽司吧, 三文魚是大人吃的."
(行:) "佢 (朋友女兒) 大個牙?"
(媽:) "係呀."
(行:) "佢生左BB嗱?"
(媽:) ".....無呀......"
(行:) "佢唔係大個喎!"

xxxxxxxxxxxxxxxxxxxxxxxxxxxxxxxx

"媽咪, 我生左BB. 喺呢度生" (指著肚臍!!)

xxxxxxxxxxxxxxxxxxxxxxxxxxxxxxxx

"琪琪要飲我d奶 " (睡覺前把毛巾公仔琪琪放在目己的肚臍上 <又係肚臍!>
"我唔駛飲媽媽d奶, 我要飲我自己d奶!" (自己開的配方奶粉)

行行快語

剛滿28個月的行行, 又講d乜呢?

xxxxxxxxx
"媽咪你唔好講咁多野啦." (早餐桌上行行媽叨嘮行行爸時)
xxxxxxxxx
"你唔好鬧佢啦." (行行爸向新到任的印姐姐訓話時)
xxxxxxxxx
"我唔識唱呢首歌呀媽咪! 呢首好難唱呀, 我唔識啊!" (看Zippy, 唱完飲歌 "ABC song" 後, 扁著嘴說.
xxxxxxxxx
"有乜野我可以幫手呢?" (搬屋倒數兩天全家總動員翻轉間屋入箱時)
xxxxxxxxx
"但係我未交玏課比梁主任喎..." (行行媽重申今天過後就不再到每天上學的幼兒園上學)
xxxxxxxxx
"部吸塵機條喉係邊個插好架?"
"係我囉!"
"啊, 點解你會識插ge?"
" 因為我大個女囉!"

第一支結他

為免心愛的結他遲早給行行搞砸, 找來一支給她專用的小結他.
小結他中看不中用. 跟媽媽一起夾band時, 行行投訴: "媽媽, 無聲ge? 我彈唔到ge?"
"啊? 唔係呀, 都有聲喎." 當然有聲,只不過, 是聒耳的 "zha-zha"聲.
行行媽昩著良心, 裝作彈得很陶醉.
"比我彈啦!" 行行笑著接過不中用的小結他, 用小手撥出聒耳的"zha-zha"聲.
如果行行的音樂天份將來給埋沒了, 這個小結他 (跟行行媽),肯定是罪魁禍首之一.

去公園...

我中意呀!

天色陰沉的放假日, 大清早, 行行就爬到身邊, 在行行媽耳旁高唱: "大陽伯伯, 大陽伯伯, 你去咗邊? 你去咗邊? 快d快d出嚟, 快d快d出嚟.........."

睡意尚濃的行行媽, 撐著惺忪睡眼, 央求小小歌唱家: "行行呀, 可唔可以細聲少少呢?"

行行立時收細聲量, 繼續以歌聲查問太陽伯伯的下落. 忽然想起甚麼, 歌聲停住, 行行問: "媽媽, 你中唔中意聽我唱歌呀?"

吓? 中意中意, 阿媽只係想你細聲d比我瞓多陣啫. "咁媽媽中唔中意聽我唱歌?"

中意!! 梗係中意啦!!
你唱歌, 你跳舞, 你講野, 你笑你喊, 你吃你拉, 媽媽都中意呀!!!!!!!!
(只不過, 都請妳體諒阿媽的需要啫.)

報警記

昨晚給行行吃的蒸肉餅鹽放多了, 趁行行沒留意時, 示意爸爸快點幫她吃掉幾口; 卻給行行發覺.

"爸爸你食我D蛋蛋 (行行認為肉餅是蒸蛋), 我唔開心, 哼!" 說罷眼睛紅紅的嘟著嘴離座抗議.

爸爸say sorry都沒用. 行行繼續嘟嘴表示不滿: "我唔開心!我唔啋你!"

不一會發覺行行站在一旁抓著放在地柜上的小型拖板, 擱在耳朵旁邊當作電話, 嘟著嘴委屈地訴說: "係! 爸爸食左我D蛋蛋. 爸爸曳. 佢食我D蛋蛋!"

我問行行在跟誰通電話.

"我打電話比警察叔叔! 爸爸曳, 食左我D蛋蛋."

吓?? 原來行行要報警捉拿爸爸!

戒片最新行情

六月上旬因事行行(日間)又在朗朗家待了個多兩個星期. 白天在朗朗家已完全不用包片片了. 有需要時, 行行會向大家宣報 "我要veevee", 讓人幫她爬上馬桶. 有時, 大大也會在馬桶上解決.

七月初在圖書館借了一本好書 "好想上廁所", 圖文並茂 (筆觸優雅的淡水彩)講述屎屎的故事: 小主人公急著要開大, 坐到馬桶上, 屎屎隨著 "呠呠" 兩陣屁, 跑出來了, 舒服晒!

屎屎從何而來呢? 屎屎有哪些不同形態? 不同年紀的小朋友如何大大?甚麼情況下會形成型態各異的屎屎? 吃下去的東西怎樣變成屎屎?....最後, 主人公一家大團圓: 爸爸媽媽和小主人公一起光著屁股坐在各自的馬桶上, 旁邊還有那不會坐馬桶, 把屎屎拉在地上的小黃狗.
(行行妳看, 狗狗不會用廁所, 把臭臭拉到地上去了!) (媽媽, 我識用廁所! 我識用廁所!)
("誰把臭臭拉在尿片上呢?" "BB!")
("誰把臭臭拉在potty裏呢? " "小朋友!")
("誰把臭臭拉在馬桶裏呢?" "行行! 行行!")

說是好書, 是因為這幾天行行起床後坐在馬桶上veevee時, 只要把這本書給她看, 邊給她唸旁白, 她就會乖乖待在馬桶上等屎屎跑出來.
多重覆幾天吧, 相信每早在馬桶上大大的習慣很快就能養成.

(註: 行行兩歲三個月另二周大)

講

妳不過去了上學,
我不過去了上班,
怎麼,
我們之間便有了這多 "吓? 乜你識咁架?"
xxxxxxxxx
假期起來,
妳笑盈盈爬到我身邊.
我問妳: 哈, 點解媽媽喺屋企唔駛返工ge? (標準答案向來是: 今日放假)
妳竟回答: 妳遲到囉! (行行, 妳講乜? "妳遲左啦!")
xxxxxxxxx
爸爸衣鈕掉了, 臨時用曬衣夾夾著.
妳見到好奇問: 你做乜呢? (這陣子妳的口頭禪)
給妳解釋一番, 妳似懂非懂地說:爸爸，你有辦法喎！
(吓? 行行妳講乜? 爸爸有乜?) "有辦法!"
xxxxxxxxx
媽媽打電話回家跟妳傾計, 妳許是忙著要玩吧, 媽媽明明還在跟妳說話, 妳卻在那邊大聲叫爸爸: 爸爸, 你快啲嚟聽電話啦, 媽媽等緊你呀!