戥妳難過

都講過帶孩子去playroom最怕遇上別的家長.

"來, 來, 來, 快叫EE..."
"......." 歲半的小人兒疑惑地看著眼前這個第一次碰面, 叫做EE的陌生人, 上下打量.
"喂, 妳識叫架.快D, 叫EE先..." (得了得了, 太太我信佢其實是識叫的)
"唔~~唔~~唔~~~" 歲半的小人兒覺得周遭的玩具實在比這個陌生人吸引多了, 急不及待要拿來玩.
"嗱妳幾時變得咁曳架吓? 快D, 叫EE先, 叫, 叫啦, EE..."
"嘩~~呀!!!!" 權力鬥爭終於激化起來.
"呀, 小朋友行得好叻喎, 幾大個呀?" 為了解救無助的小朋友和自覺顏面無存的小朋友媽, 行行媽唯有顧左右而言他.
"歲半, 妳的呢?"
"啊, 十五個月."
"喂, 妳看, 人家小妹妹玩滑梯玩得多棒, 妳也去玩.去, 去, 去...." 歲半的小人兒對滑梯的興趣遠不及眼前的玩具大.
"喂, 妳怎麼了? 人家十五個月自己行上滑梯的樓梯呢, 妳怎麼了? 來, 我扶妳, 左腳, 右腳, 左腳...." 歲半的小人兒奮力用頭身手腳來抗議: 我都唔想玩滑梯!!! (得了得了, 太太我信佢如果想玩時, 一定識用自己的方法上到去滑梯頂的)
"唏, 妳看妳, 甚麼候變得咁曳! 咁無用!!!" (唔係化? 唔想玩滑梯就無用?? 阿媽你咁想玩, 點解你唔自己玩???)

我想像...
一年後: "數啦, 數one to ten啦, 快D數比XX聽, 妳識架吓?!"
五年後: "彈啦, 彈舒曼果首啦, 妳識架吓?!"
十幾年後: "妳看妳, 人家閑閑地幾個A幾個B, 妳呢? 咁無用!"

唉! 戥妳難過.
(不過此刻我仲難過, 都係快快帶返阿女回家吔飯去.)