約期

在健康院做完發展監測後, 姑娘話: "一陣過去打針. 請看針咭, 今次打完下次幾時打?"

"小一" (!!!)

"係嘞. 咁下次返嚟監測係四歲果時. 今次唔駛約期啦, 到四歲時你自己打電話過來約啦."

就係咁, 自有了行行以來, 出入凡兩年, 次次走都要約下次期的母嬰健康院, 跟行行媽就此分手. 行行已經不是 "嬰" 了, 自然不用次次來.
唔約期就咁走, 心中若有所失. 拖拖拉拉的, 行行在kids' corner玩滑梯不願走, 行行媽就趁僅餘的機會回味這裏的一椅 (坐著等叫名)一床 (躺著做檢查).
突然給我記起些甚麼, 立刻走去三號窗, 用高八度的聲線說: "唔該, 幫我約期.....聽講座, 星期四."

也好, 還可以再來.